الحائر يخترق قلعة الصقر

برحب بيكم وبضيفي مرة تانية ونبدأ حوارنا بالسؤال اللي اتفقنا عليه واللي هيكون نهاية كلامنا في السياسة :
قلت في نهاية جابك السابق إن تفضل الدكتور زويل لنظرته العلمية وحكمته في اتخاذ القرار رغم ان الخبرة السياسية عنده غير كامله...
طيب
إذا كان هذا في نظرك هو مايؤهل الدكتور زويل لقيادة هذه الأمة رغم ما ينقصه من خبره سياسية، برأيك ما الذي يؤهل السيد جمال مبارك للوصول لسدة الحكم وما الذي يفتقده؟؟؟؟

والسؤال التاني:

لو بإمكانك تحذف أو تعدل أو تضيف مادة في الدستور المصري، ياترى ممكن تكون ايه؟؟

مش هقدر أعقب على رد حضرتك على الجزئية الأولى من السؤال غير انه دليل على "الدهاء السياسي" ودبلوماسية مرضية لكل الأطراف.....بس هعديها علشان وعدت ان ده يكون آخر جزء في السياسة.....
نيجي بقى للجزئية المهمة والمحورية إلى حد كبير في حياة بشمهندس أحمد...
الســــاحرة المســـــــتديرة
احكيلنا بقى، ايه حكاية حضرتك مع الكورة؟ هل بدأت من الطفولة ولا من امتى؟
أهلاوي ولا زملكاوي؟
وايه سر تميز أو عدم تميز كل واحد منهم؟
بيقولوا الناس بتناعات الامتيازات دي بتبقى "دحيحة" وملهاش في الهوايات دي...حضرتك بتخرج عن القاعدة دي برضو؟؟؟ يعني في ثانوية عامة مثلا كنت بتلعب برضو ولا اعتزلت وقتها ولا ايه؟؟؟
موقعك ايه في الفريق بتاعك؟ وياترى بتتهزموا أكتر ما بتهزموا ولا ايه؟
لو ماتش مهم بالنسبة لك بدأ في وقت الصلاة، هنتعمل ايه؟
انضميت لفريق كبير وعندك بطولة في نهار رمضان، وعلشان تلعب المدرب وصاك تفطر...ايه النظام؟
طول عمرنا بنقول "خليك روحك رياضية" ...ياترى روحك رياضية؟ وازاي بتتقبل الهزيمة؟؟؟ وتعليقك ايه عالروح الرياضية اللي بنشوفها يومياً عالفضائيات بين شوبير ومنصور، وصادق وشلبي؟
تقبل تلعب في فريق فيه أفراد إسرائييلين أو تلعب قدامهم يعني؟
آخر حاجة بقى:
لو أهلك شافوا ان الرياضة ممكن تعطل مستقبلك، ايه هيكون تصرفك؟

بسم الله الرحمن الرحيم
متابعينا الكرام
عودة مرة أخرى مع ضيفي وضيفكم الكريم الكابتن أحمد الشرقاي...
برحب بيكم وبالضيف مرة أخرى ونستكمل الحوار....

حضرتك حكيتلنا عن بدايتك المحترفة مع الكورة، والمضحك اني كنت زمان لما بتفرج على ماتش كورة بستغرب قوي ان كل الناس دي بتجري ورا الكورة وأقول طب ما يجيبولهم كورتين ويريحوا دماغهم....
نرجع تاني لحضرتك، رغم حماسة حضرتك الشديدة للكرة، لما بتسمع رأي لأحد الشيوخ بيسفه فيه من هذه الهواية وبيقول انها لا تعدو إلا أن تكون علم لا ينفع وجهل لا يضر... هل ده بيضايق حضرتك؟! وياترى ايه اللي بيجذبك للعبة دي؟

لو هتكرر نفس الموقف الرائع لتي شيرت أبو تريكه في ماتش الجزائر هتكون ايه الجملة اللي هتحب تكتبها؟

وبالنسبة لنقطة لعبك موافقتك على اللعب في فريق فيه إسرائيليين...اسمحلي أعقب بس: اعترافي باللعب مع أمثال هؤلاء هو اعتراف بشرعية كيانهم الصهيوني وهذا مايسعون له....ولن أزيد

نستكمل بعد قليل

حضرتك ذكرت في السؤال اللي قبل كده ان موقعك في فريقك بيتغير ما بين مدافع وجناح يمين، وخط وسط... هنا في سؤال:
على أي أساس بيكون تشكيل الفريق، وهل لما فرقة بتاخد هجوم أو دفاع ده ممكن يبقى له علاقة بالناحية السياسية؟
يعني: أفتكر ان كان في ماتش بيتلعب في الخمسينيات بين الولايات المتحدة واليابان، وقتها تشكيل اليابان كان دفاع، بس في 2005 أو 2006 الفريقان لعبوا ماتش اليابان كان تشكيلها فيه هجوم.... طبعا الفترتين الزمنيتين اتغيرت فيهم اليابان تماما وده اللي دفع بعض المحللين السياسين انهم يرجعوا حتى تشكيل فريق الكرة للموقف السياسي للدولة....

النقطة التانية