الحائر يخترق قلعة الصقر

الشكر موصول لحضرتك على الإجابات الرائعة والأهداف السامية
ولكن
اللي حضرتك قولته ممكن يبقى رؤية أو زي ما بيقولها vision ودي بتختلف شويتين عن ال mission اللي بتبقى أكثر تحديدا ...يعني لا جدال اننا كلنا أو عالأقل كتير مننا بيحب بلده ونفسه يرتقي بيها لكن هدفي اللي أنا بنفسي هحققه وهقوم بيه هو ده السؤال يعني مثلا هدف شركه إليكترونيات مثلا هو المشاركة في الثورة التكنولوجية لكن مهمتهم الواضحة كانت ان أجهزتهم تبقى رقم واحد في العالم....
وبما ان حضرتك لمحت لتغيير النظام النقطة اللي هنستفيض فيها لاحقاً....ده هيقودنا لسؤال بعيد شويه ...أحمد الشرقاوي بعد ما اتخرج بتقدير امتياز وبقى مهندس متخصص ويصنف في فئة العلماء ...اتعرض عليه منصب سياسي رفيع المستوى وفي نفس الوقت عرضت عليك إحدى الدول الأجنبية -ولتكن الولايات المتحدة- ضمك إلى قاطرة علمائها ..... ياترى هتحب ساعتها الخوض في اللعبة السياسية أم ستؤثر العلم؟؟؟ وإذا كان المنصب المخول إليك هو رئاسة مجلس الوزراء فكيف سيكون تصرفك.... ومن ستبقى ومن ستقيل من الوزراء الحاليين؟؟

وأخيرا

الأصدقاء كالنار قليلها متاع وكثيرها بوار
رأي حضرتك ايه في الجملة دي؟؟؟؟؟



هنعرف كل الإجابات دي وأكتر ....انتظرونا في الحلقة الثانية من اختراق غدا في السادسة مساءً

رد دبلوماسي أحيي حضرتك عليه مع خالص دعواتنا بتحقيق أحلامك على الوجه الأمثل....
نرجع للنقطة المتعلقة بالأصدقاء ...وبالنسبة لنعتهم بالنار فاسمحلي أرد -بغض النظر عن اتفاقي أو اختلافي مع المقولة- لكن وصف النار لا يعني بالضرورة الشر أو الشيء السيء ... ففي كثير من الأحيان تستخدم النار للانارة وللاسترشاد وللحماية ....
على أي حال دا كان مجرد تعقيب على وصف النار...
سؤالي:
مدى اخلاصك لأصدقاك بيرتبط بمدى إخلاصهم ليك؟؟؟
يعني المخلص معاك بالضرورة بتخلص معاه، لكن اللي يبعد تصرفك معاه بيكون ازاي؟؟؟
الحاجة التانية:
بم ان حضرتك في السؤال السالف ذكرت ان هدفك "نرتقي" ببلادنا... كلمنا بقى عن فريق نرتقي ودروك فيه ومين فيكم اللي أثر على التاني ؟
و...لو اتعرض عليك قيادة الفريق بس في بعض من الأعضاء معترض عليك....ياترى هترتب أمورك ازاي؟؟؟

والنقطتين الأخيرتين:
بم انك بتقود الفريق وصلتوا لنقطة محتاجين فيها قرار حاسم، بس رأيك كقيادة مختلف كتير عن بقية الأعضاء وكل منكم مصر على رأيه....فأي الرأيين ستختار؟
وأخيرا:
فريق نرتقي كبر وماشاء الله نجح جدا تحت قيادتك واتعرض عليكم الانضمام لفريق آخر أكثر ازدهاراً ونجاحا ومتفق مع أهدافكم إلى حد كبير... بس ساعتها هتكون مجرد عضو...هتوافق؟؟؟؟
وشكرا

نوجه عناية متابعينا الكرام إلا أننا سوف نستأنف الحوار بمشيئة الله تعالى في نهاية الاسبوع الجاري
نشكر متابعتكم ونعتذر عن التوقف غير المقصود

متابعينا الكرام...طابت أوقاتكم.....
عدنا إليكم أخييييييييييييييييييييييييييرا بعد ذاك الفاصل الذي طال حتى ظننت أن الورثة هم من سيكملونه...
على أي حال
أرحب بكم وبضيفي مرة أخرى، ونستكمل الحوار

زمان البارودي قال : "وطني لو شغلت بالخلد عنه، نازعتني إليه في الخلد نفسي"
وواحد تاني قال: "مصر دي مش أمي، دي مرات أبويا"
ودلوقتي الشرقاوي بيقول "عاشق كل ذرة رمل فيكي ورخيص عليكي ياغالية دمي"...
رغم الفجوة الزمنية الكبيرة اللي بين الاتنين شايف مصر البارودي هي نفسها مصر الشرقاوي -من ناحية استحقاقها للحب ده؟
ياترى مصر بتمثل ليك ايه علشان تقول فيها كده؟؟؟ وامتى حسيت فعلا انها مرات أبوك ؟
وهل زي ما بيقولوا "اللي داق الغربة واتعذب فيها، يشتاق لمصر رغم بلاويها" نقدر نعتبره الدافع اللي بعث فيك الروح الوطنية الجميلة اللي بنحسها في كلمات حضرتك -القلائل- ولا ايه؟؟؟
الشعب مش طايق النظام، والنظام مش فاكر الشعب من الأساس....طب تفتكر الحل فين؟؟؟؟
هكتفي بدول دلوقتي بس ليهم بقية

'طبعا مهما اتكلمنا عن مصر فمش هنقدر نوفيها حقها... أشكر حضرتك على الروح المصرية الجميلة اللي بيفوح عطرها من كلام حضرتك....
السؤال دلوقتي شايف ايه أهم شيء ممكن يتعمل علشان يصحي الروح الوطنية "المفقودة" عند الشباب؟؟؟ وعلشان محدش يعترض على كلمة مفقودة أحب بس أشير إلى ان بعض الناس عندها استعداد تتعامل مع أي حد -علشان تسترزق- حتى ولو كانت إسرائيل اللي قتلت وبتقتل يومياً اخواتنا وأهالينا...
النقطة التانية والأخيرة:
في كلمتين ماذا يمثل في نظرك كل من :
محمد نجيب
جمال عبد الناصر
محمد أنور السادات
محمد حسني مبارك

ويالترى لو طلبت من حضرتك تتمنى -مجرد تمني- تحط الاسم الرابع، ياترى هيكون مين؟؟؟؟