على باب الجنة

نكمل ان شاء الله آخر جزء فى الحلقه

النبى عليه الصلاة والسلام كان ماشى مع الصحابه فشافوا جدى ميت مرمى على الارض أسك(يعنى أذنيه صغيره)وعند العرب الجدى اللى أذنه صغيره حاجه مش حلوة .........فالنبى قالهم تشتروا الجدى ده بدرهم فقالوا يارسول الله لا نحبه بشئ ....طيب ده بدرهم بس يعنى حاجه بسيطه

يارسول الله ده ميت وكمان أسك لو كان حيا ما اشتريناه

حتى لو كان حى مابالك ده ميت

فقال صلى الله عليه وسلم(فا والله ان الدنيا أهون عند الله من هذا الجدى على أحدكم )

الدنيا أرخص عند الله من الجدى ده

العلماء بيقولوا معنى الحديث ده ايه؟

معناه ان انت غالى اوى عند ربنا وربنا لم يرضى بالدنيا دى ليك يعنى ربنا سبحانه وتعالى خلقنا فى الدنيا دى قصيره وقال ان ليكم آخره مش هاتطلعوا منها عندى

إمرأت فرعون كانت بتقول (رب ابن لى عندك بيتا فى الجنه) مش بيت فى الجنه عندك .....لأ انا عندك الاول

يقول ابن عباس(تأتى الدنيا يوم القيامه فى صورة عجوز شمطاء (يعنى شعرها منكوش وعجوزة اوى)زرقاء الانياب تقول يارب اجعلنى لأقل أهل الجنة منزلا فيقول لها رب العالمين أخسئى أنى لم أرضاكى لهم فى الدنيا أفأرضاكى لهم فى الاخره!!!!!!!

يقول صلى الله عليه وسلم(يقول ابن آدم:مالى مالى .....وهل لك يا ابن آدم من مالك الا ما أكلت فأفنيت (لو انت كلت خروف انتوا عارفين ان لذة الاكل اللى هى اكتر لذه الناس بتضحى علشانها كل الناس تقول انا بعمل كده علشان اكل العيش اللذه بتاعة الاكل دى 30 ثانيه بس مدة المضغ

أو لبست فأبليت(شوية اللبس دول هاتسيبهم ومش هاتتدفن بيهم هو الكفن وبس)

أو تصدقت فأبقيت(هو ده الباقى والصدقه بتتبع الاخره مش الدنيا)

الصدقه ما هى انك بتشيل من دنيتك وبتوصل عند ربنا سبحانه وتعالى .....بتشيل من متعك لغيرك الفقير حتى تجد هذه الصدقه فى الميزان فبيبقى فى الصدقه جهد وترك للدنيا

النبى عليه الصلاة والسلام كان ماشى مره مع سيدنا أبو ذر فقال يا أبا ذر:إن المكثرين فى الدنيا هم المقلون يوم القيامه
الحديث ده يخوف اللى معاه فى الدنيا معهوش حاجه فى الاخره اتخض ابى ذر

الا من قال بيده هكذا..وهكذا..وهكذا........وهكذا

يعنى بيبعزق ويفرق كده على غيره بس فى الله

قال النبى صلى الله عليه وسلم(ما الدنيا فى الاخره الا كما يضع أحدكم اصبعه فى اليم فينظر فيما يرجع)

الاخره هى المحيط الكبير والدنيا هى النقطه اللى هاتطلع مع أصابعك كل متع الدنيا دى كلها عباره عن النقطه اللى طلعت من البحر

قال صلى الله عليه وسلم(ليس الغنى بكثرة العرض..ولكن الغنى غنى النفس)انى اكون راضى

اصل لو انا عندى عربيتين .ثلاثه بس حاسس ان ربنا مش مدينى حاجه اذن أين المتعه؟؟؟؟؟؟

لكن لو عندى عربيه او حتى ماعنديش خالص لكن وانا ماشى كده كل لما ابص على حد احس انى انا احسن منه مش كبرا........احسن منه يعنى احسن بفضل ربنا عليا

ماينفعش ابص واقول اشمعنى ربنا اعطى ده اكتر منى ...يكفى انه خلانى افكر فى نعمته

الكرم ده وانا ماشى فى الدنيا..لكن فى الدين المفروض الواحد يبص للاعلى منه فى الدين

لذلك لازم نرتفع عنالدنيا ونعرف اننا اكرم عند الله من اننا نكون فى هذا التراب

سأترك وصلكم شرفا وعزا.........لخسة سائر الشركاء فيه

لو كثر الذباب على طعام........رفعت يدى ونفسى تشتهيه

ولا تشرب الاسود من بئر ماء......اذا كان الكلاب يلغن فيه

من أحب الدنيا لزمته العبوديه لاهلها

يعنى الناس هاتعبد مديرها فى الشغل لانه بأيده الخير والشر
والفران اللى بيعملك العيش لانه هو اللى بيأكلك ..واصحابك اللى بيبسطوك

لازم نعبد المولى عز وجل ونعرف ان بيده كل شئ

يالا بقى نبدأ نبعد شويه عن اللى بيتقلنا واقول يارب ارزقنى حب الاخره

وكل ما تتعارض الاخره مع الدنيا اقول يارب الاخره هى اللى فى قلبى والدنيا بقت فى ايدى

يالا نركب سفينه الاخره ونبحر مع الصالحين وهما روحهم بتفارق جسدهم والرحله الجميله واستقبال اهل السماء لوحك ورب السماء وازاى ان الروح دى هاترسى على باب الجنه تستناك

كده الحمد لله يارب نكون عرفنا بجد حقيقة الدنيا وقلبنا بدأ يتعلق بالاخره

اللهم ارزقنا حب الاخره

جزاكم الله خيرا