اخوتى واحبتى فى الله
عدنا اليكم بعدما تقرر تقديم ميعاد الحوار الى اليوم
وسنبدا مستعينين بالله عز وجل
اهلا وسهلا بيكى ياايمان فى البرنامج
وفى البدايه كده عايزين نعرف
الاسم بالكامل ؟
السن ؟
العنوان ؟
المؤهل الدراسى ؟
المهنه ؟
إيمان كتب:
اسمحلي أبدأ بالسؤال التالت
هل كنتى متخيله انك اصلا ممكن تشتركى ف جمعيات خيريه ولا الفكره مكانتش موجوده عندك قبل كده ؟
هو
بفضل الله أنا عرفت موضوع الجمعيات الخيرية دي من أول ما دخلت الجامعة
وكنت مشتركة في رسالة وحاجات مشابهة بس لأني مش من القاهرة وكنت في
المدينة الجامعية فالوقت مكنش بيسمح قوي خصوصا اني كنت بقضي الصيف في
البلد... وبجد هي من أروع الحاجات اللي الواحد ممكن يشترك فيها في حياته
وبيحس فيها بقيمته وقيمة وقته وبتضفي لون جديد وجميل على حياته
احكيلنا كده قصة تعرفك على الجمعيه وعرفتينا ازى ؟
ببساطة
احنا كنا على منتدى اسمه"حياتي لله" وهو منتدى لا يقل روعة عن
منتداكم...المفروض ان كان في زيارة للجرحى الفلسطينين وللاسف في اليوم ده
كنت مريضة جدا وماقدرتش أروح؛ فالاخوة اللي راحوا كتبوا تقرير جامد جدا
(مش زي بتاع الحاجة فاطمة طبعا) بالصور بقى وكده..طبعا دمي اتحرق جدا
وزعلت قوي اني مكنتش معاهم...وفوجئت بالجميلة شيماء كتبه انها راحت مع
جمعية في بلدها اسمها جمعية الرحمة...طبعا مكدبتش خبر وبعتيلها عالخاص
اسألها عالتفاصيل...المضحك بقى ان اسمي عالمنتدى ده كان "فارس بلا جواد"
فلقيت شيماء بعتالي رسالة فيها كل التفاصيل وطبعا بتخاطبني على اني
ولد..بس فرديت شكرتها وعرفتها اني بنوته واخدنا الايميلات وكان من رضا
ربنا عليا اني اتعرف على انسانة جميلة زيها
ولما شيماء كلمتك ع الجمعيه قلتى لنفسك ايه ؟
نفس اللي قاله اينشتاين "وجدتها"ا
فعلا
انا كان نفسي الاقي حاجة زي كده في المنوفية (خصوصا اننا كنا لسه بننقل
بيتنا لشبين) فحسيت انها حاجة جميلة من ربنا اني الاقي حاجة كده قريبة
مني...كمان فكرة زيارتهم للجرحى الفلسطينين حسستني انهم مش تقليديين
ومتابعين اللي بيجرى؛اضافة ان فيها شباب بيتواصلوا على منتديات تانية كل
ده شجعني جدا وحسيت اني وجدت ضالتي
قبل
ما تيجى الجمعيه الصبح يعنى وانتى نازله من البيت اكيد كنتى حاطه فى دماغك
تصور معين للجمعيه . هل لما جيتى التصور ده اتغير ولا لا ؟
بصراحة
كنت متصورة حاجة جميلة بس عمري ماتصورت انها هتكون بالجمال ده...كل ماكنت
بروح اي جمعية خيرية قبل كده كانوا أول مايشوفوني بيدولي رزمة ورق فيه
كلام عن أنشطتهم والناس بتقول عليهم ايه واستمارة عضوية..ومواويل كتييير
كده بتزهقني جدا...بس في جمعيتكم (أقصد جمعيتنا) الوضع مختلف تماما...
شباب شكلهم لطيف وبشوش قاعدين بيتناقشوا استقبلوني كويس أول مادخلت
ماقطعوش حوارهم ((زي ما بيحصل في أماكن تانية وكأنها أسرار أمن دولة)
لما
قلتلهم "أنا كنت جايه أتعرف على نشاط الجمعية" اتبسطوا قوي وجاوبو بفرحة
وباسلوب لذيد ودخلوني معاهم في الحوار ...أهم حاجة اني فرحت قوي قوي لما
لقيت شيماء قاعدة لأنها كانت أول مرة اشوفها فيها وطلعت شبه واحدة صحبتي
قوي...بس وفجأة لقيتني عضوة معاكم
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan