انا وحش بس مش وحش اوي يعني...

ربنا يكرمكم جميعا

هى فعلا بقت فكره مسيطره على ناس كتير انى انا مش اوحش واحد وفى ناس كتيييييييير اوحش منى يعنى انا كده تمام اوى

وان مثلا لما بيكون حد بيعمل حاجه غلط بيبقى ده رده لانه فعلا بيبقى حاسس بغلطه بس بيحاول يقنع نفسه ان اللى بعمله ده حاجه بسيطه وان فى ناس كتير اوحش وبتعمل اكتر من كده

هى بتبقى زى حد بيكذب على نفسه مع انه عارف الصح والغلط فين بالظبط

بس محاوله انه يريح نفسه من جواه

هى الفكره اننا لازم دايما نبص للناس اللى اعلى مننا بس فى ايه فى الحاجه الكويسه فى الدين مثلا.....فى الاخلاق .....فى التفوق وهكذا

اما فى الحاجات التانيه اللى يعنى نقدر نقول عليها انها مش كويسه يبقى لازم تبقى فى وقفه كده وان انا اصلا ليه برضى بأقل حاجه بدام انا اقدر اعمل الاحسن

هى الفكره بالظبط زى ما بشوف حد راكب عربيه وانا مثلا راكبه مواصلات ياترى هاقول اشمعنى ده راكب عربيه وانا لأ؟؟

اصلا ماينفعش لان الحال اللى احنا فيه هو افضل حال لينا دلوقتى مهما كان بقى احنا مش عارفين حكمة ربنا فيه ايه

يبقى لازم بقى اى حد يحاول بقدر الامكان يكون الاحسن فى كل حاجه

وبعدين نقدر نقول ان ده من باب الاتقان يعنى

وممكن يكون سبب من الاسباب اللى تخلى حد يقول انى انا مش اوحش واحد اننا دايما مرتبطين بالناس ومترقبين تصرفاتهم وافعالهم ومهتمين بيهم اوى اكتر من نفسنا

طيب ماتخلينا فى نفسنا احسن انا مالى بقى اللى جنبى اوحش منى ولا لأ المهم انا اكون افضل او احاول يعنى بقدر الامكان