حد فكر في كده قبل كده

هو انا هاحاول ارد يادينا

بصى ياستى هو المفروض الاول يقعد مع نفسه كده ويشوف ايه الحاجه دى اللى بتخليه يحس انها بتبعده وهل فعلا الحاجه دى هى اللى فعلا بتبعده ولا أصلا هو محتاج يبعد شويه علشان حاسس انه مقصر شويه مثلا وحابب يرجع زى الاول

وليه اصلا اللى خلاه يحس انه عايز يبعد؟ وياترى لو بعد هايرتاح ولا هايزيد همه؟

وياترى هو اى حاجه كده ممكن تأثر فيه وتبعده عن الفريق اللى بقى جزء مهم اوى فى حياته ؟

معلش هى تساؤلات اكتر ما هى اجابه بس اكيد لو قعد مع نفسه وحاول يحل التساؤلات دى اكيد هاتفرق معاه كتير

وعايزه اقول حاجه انه اصلا ماينفعش يبعد مهما كانت الظروف جواه او حواليه ويحاول يتمسك بقدر الامكان بالصله اللى موجوده بينه وبين فريقه لان زى ما بتقولى كده لو بعد اكيد بعده هايأثر تأثير سلبى عليه واكيد برده هايخسر كتير

وطبعا ده بالاضافه للرأى اللى باشمهندس امجد كان قاله انه يقعد مع حد بيستريح له ويحاولوا مع بعض يحللوا المشكله اللى ممكن يكون هو بس اللى شايفها مشكله

طيب ياجماعه ياترى علاقة الاخوة فعلا من اقوى العلاقات اللى بتكون بين الناس وبعضها

وصعب اوى انها تتفكك؟ .......ولا بقت حاجه سهله وعادى يعنى ممكن تروح فى يوم وليله كده

وهل فعلا لو راحت بيبقى العيب فين ؟وفى مين بالضبط؟

مع العلم ان العلاقه دى مش لازم تروح بالبعد بس....... ممكن يكون حد بعيد عنك بس العلاقه قائمه زى ما هى ومش حاسس بالبعد ده ........وفى نفس الوقت ممكن يكون الشخص بتشوفه واحيانا كتير معاك بس حاسس بالجفاء بينكم وان العلاقة بدأت تتلاشى
وكل حاجه تتنسى

الموضوع ده بجد كل ما الواحد يقرأه بيفتكر حاجات حلوة اوى وايام جميله مرت على الفريق

بس اللى عايزه اقوله اننا من خلال كلامنا اللى فات أكدنا حاجه بنعملها دلوقتى......انه حتى لو حد بعد عن الفريق سواء لظروف عنده او بأرادته باقى الفريق مكمل ان شاء الله وبيمشى عادى فى طريقه علشان يوصل لهدفه ويحققه

بس ده مايمنعش ان اكيد غيابهم فارق مع كل الفريق واكيد فاكر الناس اللى كانوا معاه وكانوا بيشتغلوا مع بعض وحققوا انجازات كتييييييييييييير اوى حتى لو كانت الناس دى نسيت سواء بمزاجها او غصب عنها عمر ما الباقى هاينسوا لانهم أخدوا بأيد بعض كتير وكان هدفهم واحد

واكيد ان شاء الله هانفتكر ليهم دايما الخير وندعيلهم