[size=18]
زيااااااارة الحاجة فاطمة
الزمان28/2/2009
المكان:بيت متواضع مش عارفة فين بالظبط -علشان أول مرة أروحه- بس تقريبا جنب كوبري السمك..
الضيوف:
1-صينية مكرونة بالبشاميل تشرح القلب طبعا لأنها من عمايل ايدين ماما رشا
كيس موز وكيس برتقال - -2
3- 5خمس بشمهندسين قد الدنيا بيستعدوا بقالهم فترة تقريبا للزيارة دي وكانوا جيين شبعانيين جدا وبالذات:
بشمهندس هيثم....مش عارفة ليه كانت نفسه مسدودة
بشمهندس نابت...هو كمان برضو اتتحالينا عليه جدا علشان ياكل بس مفيش فايدة
بشمهندس محمود(محب الحياة؛ عذراً: محب الطعام)ا
بشمهندس إبراهيم وبشمهندس مروان: المهم دول الوحيدين اللي أكلوا
4- فريق البنات:
خمس بناتيت زي السكر:
ماما رشا: اللي تسلم ايديها بجد لأن المكرونة كانت تجنن
شيماء: تسلم ايديها برضو لأن الموز كان حلو قوي
ريهان: الأخت الحنون للي كل شوية تقولي "كلي" وهي تقريبا ما اكلتش
مها: الكتكوتة الصغنتوتة اللي أكلت الموز كله(بهزر طبعا لأنها أصلا مكلتش حاجة)ا
ندى: السكر اللي كانت معانا
وطبعا محدثتكم كانت من ضمن الضيوف دول
المهم
المجموعة راحت لبيت الحاجة فاطمة...ومن حظنا كان عندها ضيوف...بس احنا ميييين دخلنا ولا كأنو بيت والدنا ...طبعا الضيوف اتزحلقوا في الصالة واحنا هجمنا عالأوضة...ا
الحاجة فاطمة بقى دي ست زي السكر بس يعيني كانت بتتألم قوي ربنا ياااااارب يعافيها ويشفيها هي وكل مرضى المسلمين
سلمنا عليها ومفيش دقيقتين الا وصينية المعكرونة طلعت....وولا كأن في حاجة فاطمة ولا دياولو.... محدش اتلفت للست أصلا...كله كان مركز تركيز حاد في طبقه
....
يدوب انتشلنا أشلاء الصينية بالعافية...طبعا الشباب قاموا بالواجب وسلمولنا الصينية في منتهى النضافة
بعد الأكلة الهنية دي الناس اللي كنا عندهم جابولنا بيبسي وزي ما انتو عارفين الشباب بتوعنا عندهم المقاطعة دي شيء مقدس فمحدش رضي يشرب خااااالص....بجد صعبوا عليا جدااا...بس ماشاء الله عندهم ثبات على المبدأ إنما ايه...ء
بعد الأكل والشرب (بالهنا والشفا يااااااارب لكل اللي أكل) أخونا البشمهندس هيثم حب ينتهز الفرصة ويعرف المكرونة بتتعمل ازاي.. والزيارة اتقلبت حصة اقتصاد منزلي عن كيفية إعداد "صينية معكرونة بالبشاميل" ورشا تشرررررررررح ومها تكتتتتتب والشباب في منتهى التركيز وكأنهم قال يعني هيعرفوا ينافسو رشروش في مكرونتها
خلصت حصة المكرونة وخلصت الزيارة اللي والله كانت لذيذة جداااا واستمتعت بيها لأبعد الحدود
"بجد كان يوم جمييييييل مع أحلى صحبة "صحبة شهية
وإن شاء الله نلتقي قريبا في زيارة أخرى
يارب محدش يكون زعل من الفضايح دي بس والله أنا اتبسطت النهاردة جدااااااا ...وأكيد بالهنا والشفا لكل اللي أكل أنا كنت بهزر شويه بس
أحبكم كثيرا في الله
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan