نقطة ومن أول السطر عودة للحياة

migo كتب:

ان لم تفعل ما تقول فاعلم انك تسير في طريق بدايته النفاق ونهايته جهنم والعياذ بالله

الموضوع ده بجد خطير جدا واكيد بيخوفنا كلنا اننا نكون بنتكلم وبندل الناس على الخير واحنا نفسنا مش بنعمل كده

وساعتها بتندرج تحت قول الله تعالى(يأايها الذين آمنوا لما تقولون ما لا تفعلون كبر مقتا عند الله ان تقولوا ما لا تفعلون)

لازم بقدر الامكان نعمل باللى بنقوله علشان ربنا يرضى عننا ان شاء الله ونكون بحق آمرين بالمعروف وناهين عن المنكر

وكمان فى حياتنا العاديه لما تيجى تكلم حد وتقوله اعمل كذا وانت اصلا مش بتعمله بيبقى تقريبا مالوش أثر على اللى قدامك وعلى العكس تماما لو انت نفسك كنت بتعمل باللى بتقوله وبقيت قدوة صح اكيد اللى قدامك هايحترمك واكيد كلامك هيأثر فيه حتى من غير ماتتكلم يكفى تصرفاتك وأفعالك

ربنا يجعلنا ممن يستمعون القول فيتبعون أحسنه

نقطة ومن اول السطر

أحلى هندسه فى الحياه بناء سد من التقوى امام بحر من المعاصى

ما شاء الله تصور رائع يابشمهندس ربنا يكرمك

هى فعلا المعاصى والفتن اللى حوالينا مش بحر بس ده ممكن تكون محيط يعنى حاجه ضخمه جدا جدا واكيد مش هانقدر نواجهها فعلا الا بالتقوى

بس على فكرة كلمة التقوى دى كلمة برده صعبه ومش سهل اننا نوصلها بس على الاقل (اتقوا الله ما استطعتم)

بس احيانا كتير الانسان بيقع وبينسى وممكن ينجرف مع الموج وموجه تاخده وموجه توديه

وفى الاخر يلاقى نفسه بيغرق فعلا........الا بقى لو فى آخر لحظه يلاقى حاجه يحتمى بيها علشان يقدر يرجع على الشاطئ تانى

سواء بقى الحاجه دى ......حد خد بأيديه ......أو حتى خشبه يحاول يتسند عليها

بس علشان يرجع اكيد هايبذل مجهود غير عادى وكمان ده مش هايرجع علشان هو عمل مجهود .....لأ ده لأن ربنا ساعده ووفقه وتاب عليه لانه تواب رحيم بيعفو عن عباده

علشان كده فعلا محتاجين نحصن نفسنا واننا نقف وقفه مده كل فترة ونشوف احنا رايحين فين

وياترى هايجى اليوم اللى هاقف لوحدى ومش هلاقى حد ياخد بأيدى خالص ولا حتى خشبه احتمى بيها ولا لأ؟؟؟؟؟؟؟؟