ازيكم ياجماعة انا حبيت اتكلم عن اجتماع امبارح فى الجمعية
هو بصراحة كان يوم مثمر جدا
اولا بدأنا الاجتماع بتكملة السيرة النبى عليه الصلاة والسلام
وكان محدثنا باشمهندس محمود وكان بيتكلم عن نسب النبى عليه الصلاة والسلام
وما شاء الله فعلا استفدنا كتير اوى
وعلى فكرة ياجماعة الواحد فعلا عنده احساس غريب وجديد تجاه السيرة حاسس انه فرحان اوى ان احنا بنقرأ فيها ويارب كده يقدرنا اننا نحب النبى اكتر واكتر
وبعد كده
استاذ احمد بدأ الحديث عن النادى الاجتماعى
ودى فكرته ان احنا ان شاء الله هانجيب عدد معين من اطفال الاسر كل اسبوع
والنادى ده هايكون عبارة عن لجان
اللجنة الاجتماعية
اللجنة الدينية
اللجنة الثقافية
اللجنة الرياضية
ها فى حاجة تانى ياريت تساعونى ياشباب
وكل لجنة هايكون ليها مقرر ومساعد
وهانقسم الاطفال ان شاء الله على مجموعات
ده بالاضافة ان هايبقى فيه مشرف عام على النادى الاجتماعى
وطبعا دكتورة اسلام واستاذ احمد اللى هانرجع لهم دايما ان شاء الله
وفكرة النادى الاجتماعى دى هاتحسسنا بجد ان اننا بنساعد الاسر دى مش مجرد مساعدة مادية وبس
لأ بنمى فيهم سلوكيات ومهارات يقدروا بعد كده يستفيدوا بيها فى حياتهم
وكمان اتفقنا على زيارات دورية للمسنين لاسر الجمعية
وان شاء الله ربنا يقدرنا على مساعدتهم وادخال السرور عليهم ان شاء الله
وبعد كده بقى روحنا نزور ذوى الاحتياجات الخاصة
بجد قضينا معاهم وقت فوق الرائع بجد
انا عن نفسى حبيتهم اوى اوى ونفسى ازورهم على طول ان شاء الله
واتكلمنا معاهم عن الوضوء والصلاة
وغنينا معاهم
وهما ماشاء الله عليهم ممكن يكونوا عارفين معلومات عن الوضوء والصلاة اكتر من اى شخص عادى
وكان فى واحده اسمها دينا بتصلى كمان الضحى تخيلوا ياجماعة بتصلى الضحى اللى كتير مننا مقصر فيها
وبتصلى كمان الشفع والوتر
ربنا يبارك فيهم يارب ويسعدهم دايما
ويتقبل مننا جميعا
ومستنية باقى الناس يكلمونا كمان عن النادى الاجتماعى
جزاكم الله خيرا
عدل سابقا من قبل shimaa في الإثنين نوفمبر 10, 2008 3:40 pm عدل 1 مرات
السبت يونيو 15, 2013 1:39 am من طرف doodybosy
» ريهـــ (حينما يتحدث القلب والعقل معا) ـــان
السبت مايو 12, 2012 1:50 am من طرف nagat
» فى حب رسول الله..بقلمى : دعاء أحمد
الجمعة نوفمبر 11, 2011 12:32 am من طرف دعاءاحمد
» فضفضة..........(فى حب الله)
الأربعاء أكتوبر 12, 2011 1:16 am من طرف rehan
» My empty house
الخميس أغسطس 18, 2011 10:24 pm من طرف rehan
» ناقش الي بعدك بسؤال
الأربعاء أغسطس 17, 2011 10:30 pm من طرف 7ob El-7iah
» عندما يتمثل الدين في الأنثى
الثلاثاء يوليو 26, 2011 11:48 pm من طرف rehan
» حلوه بلادي
الإثنين يوليو 25, 2011 2:55 am من طرف rehan
» يامن تقول أحب محمدا............
الثلاثاء يوليو 19, 2011 7:52 pm من طرف rehan
» ادخل طمنا عملت ايه فى الامتحان؟؟؟؟؟؟؟؟؟؟؟
الإثنين يوليو 18, 2011 2:43 pm من طرف rehan